ഞാൻ കൂട്ടിയ കൂട്

 

ഇനിയും തെളിക്കാത്ത ഒരു വഴിയുണ്ട്

അതിൽ ഇനിയും പൂക്കത്ത മരമുണ്ട്

ആ ചില്ലയിൽ ഞാൻ കൂട്ടിയ കൂടുണ്ട്

കൂട്ടിൽ ഞാൻ ഉറങ്ങിയ കാലമുണ്ട് 

ഇനിയാ വഴിയിലൊന്ന്വ നടന്ന് നോക്കണം

കാലങ്ങൾ മാറ്റിയ കോലമോന്ന് കാണണം

അതിന് ചുവട്ടിൽ തനിയെയൊന്ന് ഇരിക്കണം

തേടിയലഞ്ഞ നാൾവഴികളൊന്ന് ഓർക്കണം 

കാലമിനി എത്രയെന്ന് ആർക്കറിയാം

ഇനിയെത്ര ദൂരമെന്ന് ആർക്കറിയാം

കാലമെത്ര പോയാലും ദൂരമെത്ര ആയാലും

ഞാൻ നടന്നടുക്കും ആ കൂട്ടിൽ ഒന്നുറങ്ങാൻ.