Followers
Wednesday, September 30, 2020
വരികൾ
വരികളോടുള്ള പ്രണയം
വരച്ചുകാട്ടാൻ വരികളില്ല
വിധിയോടുള്ള നീരസം
വിട്ടുകളയാൻ മനസ്സുമില്ല
വാക്കുകൾക്ക് പറയാൻ
വിഷാദ സ്വപ്നങ്ങൾ മാത്രം
വിധി വരച്ച വഴിയേ
വഴുതിപ്പോയൊരു ജീവിതം
വിങ്ങിടും മനസ്സിലെ ഇഷ്ടം
വീണ്ടും വരികളായി ഉണരും
Friday, September 18, 2020
എന്റെ സഖാവ്
വേലിക്കകത്ത് മുളച്ചൊരു തൈമരം
കേരനിരകൾക്കിടയിൽ പടർന്ന പൂമരം
ഇന്നും വാടാതെ ഇൗ വിപ്ലവ വീഥിയിൽ
വസൂരി കവർന്നെടുത്ത പെറ്റമ്മയെ
ദൂരത്ത് നോക്കി നിന്ന ബാല്യം
ബയണറ്റിൻ മുനയിൽ കുത്തിയേടുത്ത്
കാട്ടിൽ എറിഞ്ഞുകളഞ്ഞ യൗവനം
വെട്ടിനിരത്തിയും ഇടിച്ചുനിരത്തിയും
കേരളമണ്ണിന് കാവലാളായി
വാര്ദ്ധക്യം
മനസ്സിലെ വിഗ്രഹങ്ങൾ തച്ചുടച്ചു
മനുഷ്യനായി തീർന്നൊരു കമ്മ്യൂണിസ്റ്റ്
Monday, September 14, 2020
നുണക്കുഴി
അകന്ന് പോയത് എന്തെ
മറഞ്ഞ് പോയത് എവിടെ
കനവിൽ കണ്ട കഥയിൽ
നിൻ നിഴൽ വീഴ്ത്തിയ ഓർമ്മകൾ
കനവായി മായാതെ എൻ കരളിൽ
മനസ്സിൽ കുറിച്ച വരികൾ തൻ ഈണം
മന്ത്രമായി മുഴങ്ങുമെൻ കാതിൽ
നിദ്രയെ കാത്ത് മിഴി അലയുമ്പോൾ
ഓർത്തു ഞാൻ നിൻ കവിളിൽ
പുഞ്ചിരി വിരിയിച്ച നുണക്കുഴികൾ
Friday, September 4, 2020
സഖാവ്
നെഞ്ചിൽ ഒരു കനലായി എരിയും
ഒരു ചെമ്പനിനീർ പുഷ്പം
വിരിയുമൊരു കാലം പൂക്കാലം
കണ്ണിൽ ഒരു കനവായി തെളിയും
ഒരു വസന്തകാല സ്വപ്നം
വളരുമൊരു കാലം വസന്തകാലം
തെരുവിൽ ഒരു ഇതൾ പൊഴിയും
ഒരു വിപ്ലവ സമര വീര്യം
പിറക്കുമൊരു കാലം സുവർണ്ണകാലം
Newer Posts
Older Posts
Home
Subscribe to:
Posts (Atom)
കുമ്പസാരം
വർഷ വീഥിയിൽ തളർന്നു വീണുപോയി നിക്കാത്ത നേരത്ത് മൃതിശയ്യയിൽ മ രണത്തിൻ്റെ മയിൽകുറ്റി മാത്രം മുന്നിൽ കണ്ണുകൾ പൂട്ടി ഒഴുകി വെറുതെ പിന്നാക്കം ...
എന്റെ സഖാവ്
വേലിക്കകത്ത് മുളച്ചൊരു തൈമരം കേരനിരകൾക്കിടയിൽ പടർന്ന പൂമരം ഇന്നും വാടാതെ ഇൗ വിപ്ലവ വീഥിയിൽ വസൂരി കവർന്നെടുത്ത പെറ്റമ്മയെ ദൂരത്ത് നോക്കി...